¡Mui bones!, collacios y collacies,
maestros y maestres.
Güei cellebramos un día especial,
una fiesta de seronda, otoño,
autumn, automme, outono o autunno.
¡Visteis cuántos idiomas se!
¿Sabeis de qué fiesta toi falando?
Pues sí, del amagüestu.
Porque güel a castañes asaes,
que´l tambor al dar la vuelta,
dexa un tufín pergoliosu
mesmo que la sidra nuevo
salientes del llagar,
y fecha con mazanes coloraes
perbién mallaes.
¿Y qué ye eso de la seronda?
Voi esplicávoslo agora mesmo:
Antes de facer alfombra,
fai remolinos la fueya
y va baxando, baxando
hasta atapar la caleya
dexando les castañeres
lo mesmo que lleña seco
y a los probes paxarinos
sin cancios ena gargüela
nin rames p´ abellugase
cuando vien la ventolera.
Tamos nesta panera de Cenera.
Nella,
vamos ver un muséu costumista.
Llámase de Benjamín Pumarada,
y tien pinta de ser una pasada.
Va mostranos la vida d´antes,
los oficios, les fiestes,
l´arquitectura como los horros y
les cases,
y too a traviés d´unes cuantes maquetes.
Nesti Conceyu vecín,
que ye ´l Conceyu de Mieres,
el valle de Cuna y Cenera,
dedicáu a la Industria pero
tamién mineru
como ´l nuestru,
corazón de la Cuenca del Caudal.
Dende equí, vemos valles y
montañes
como cuando tamos per
Miravalles.
Hoi, víspera de Samartín
pasámoslo bien,
en Mieres del Camín.
N´Ayer tamién tenemos munches paneres y horros.
L´horru nel altu Ayer,
será la cosa más bona
pos val pa guardar nél
patates, fabes, borona,
algún manieguín d´ablanes
y castañes de la corra,
les manzanes y la sidra,
la escanda que´l forno roxa,
llacón, chorizu y morciella,
pa que pela baxa zona,
cellebren el Samartín.
¡Non, que nun muerran los horros
que ye la cosa más bona,
que nun cayan los qu´hai
y facer más, pos adornan!
¡Puxa Ayer, puxa Mieres y puxa
l´Amagüestu 2014!
No hay comentarios:
Publicar un comentario