Esti añu ficimos una salida a Cenera, nel Conceyu de Mieres. Tuvimos na Panerona de Cenera o tamién nomáu Muséu Costumista de Benjamín Pumarada (artesanu de Piloña que tuvo varios premios pol so trabayu cola maera)
Trátase d´un área recreativa con parque y cancha dientro d´un entornu natural, y como xera principal, visitemos el muséu que ta dientro d´una panera y que mos enseña les tradiciones y la vida d´antes a traviés de 23 maquetes con movimientu, paralelo a esto, mientres vemos les maquetes van desplicándonos mui bien caúna d´elles.
Vimos la casería asturiana, l´horru y la panera, el molín d´agua, los oficios artesanos, los trabayos nel campu y na casa, la procesión de la Virxe y la Romería.
Xuguemos na cancha y depués ficimos una espicha con empanaes, casadielles, rosquilles, panchón, castañes y sidra dulce.
Calca nesti horru pa ver les imáxenes del muséu
No hay comentarios:
Publicar un comentario