PREGÓN DEL
AMAGÜESTU 2013
Bonos díes nenos y nenes,
maestros y maestres.
Güei tamos equí, en Soto
p´amagostar un poco.
Porque tamos na seronda.
El guchu yá ta reundu
y na casa llabraora
yá fai falta la morciella
y el rabadal pa les berces
col sabadiegu y la oreya;
les fabes piden compangu,
restallen les castañes,
y apílense les panoyes
hasta que fagan la esfueya.
Too esto son llabores
de la seronda,
qu´anque los díes son curtíos
trabáyase más depriesa
porque esti mes de payares
tien tamién sonar de gaita
y tien golorín de fiesta
les “Cebolles del Entregu”
y “Samartín de Morea”
Equí hai neños de Soto
y nun vienen en moto.
De Casomera,
que tán a la mio vera,
de Santibanes,
y danse les manes.
Tamién vienen de Col.lanzo,
¡ten cuidáu que lu llanzo!
¿Cómo yera aquello?,
a sí, de Beyo.
Tamién hai un neñu de Rúayer
y allí hai muncho que ver,
de L.lamas,
ónde hai munchas cabanas.
y Cuergo, pera
que voi y vuelvo.
Pa finar quédame La Fuente,
¿qué más quies que te cuente?
Bono,¡ a disfrutar tol mundu!
Entama l´amagüestu 2013.
No hay comentarios:
Publicar un comentario